Jaku Pemuka

Pemuka Jaku

Jerpan nya jaku pandak dikena madahka reti jerita pandak. Semua jerpan tau digaga kitai ngagai dua bagi. Sebagi nya ensera tuai, lalu dikumbai cherita asal belalauka litericha rayat, lalu sebagi nya ensera kelulu, tang tau pulaika pelajar.

Nyadi jerpan dalam blog tu endang utai kelulu kena niu pendiau enggau ulah orang ke dulu menya enggau kitai kemaya hari tu kelimpah ke mantaika cherita asal. Semua jerpan ditu endang digaga nelusur ulah enggau pendiau kitai mensia tauka jelu nguan dunya. Nya alai juluk ati ke mantaika cherita tu, ukai semina awakka dibacha ngasuh ati geli ngambika ketawa, tang digaga nyadi lalau sereta dikena ngulihka penemu. Laban sekeda kelulu leka ensera enggau sindir leka cherita tau nyadika tenggau kena nyeremin pendiau enggau ulah mensia siku-siku, lalu ari nya kitai tau ngelengkaka ulah ke enda betuku, lalu megai pengawa ke menyana.

Thursday, September 1, 2011

Randau Aki Ungkir enggau Indai Uba

Aki Ungkir:
Tu nama uchu?
Indai Uba:
Tu pala aki, baka maya kepit batang.
Aki Ungkir:
Tu nama uchu?
Indai Uba:
Tu buk panjai aki, entaba mulai malun batang.
Aki Ungkir:
Tu nama uchu?
Indai Uba:
Tu idung aki, baka simbang patung puang.
Aki Ungkir:
Tu nama uchu?
Indai Uba:
Tu mata aki, baka leka pelaga gitang.
Aki Ungkir:
Tu nama uchu?
Indai Uba:
Tu pending aki, baka rambing tali dulang.
Aki Ungkir:
Tu nama uchu?
Indai Uba:
Tu tandan bau, taja nya bau tang enda ga bau lang.
Aki Ungkir:
Tu nama uchu?
Indai Uba:
Tu lengan aki, baka jengkau dan luntang.
Aki Ungkir:
Tu nama uchu?
Indai Uba:
Tu tunjuk aki, baka sumbuk bemban entabalang.
Aki Ungkir:
Tu nama uchu?
Indai Uba:
Tu tusu aki, baka genalu bungkung tapang.
Aki Ungkir:
Tu nama uchu?
Indai Uba:
Tu perut aki, baka kambut temangan senggang.
Aki Ungkir:
Tu nama uchu?
Indai Uba:
Tu pusat aki, baka tebuk lubang merekumbang.
Aki Ungkir:
Tu nama uchu?
Indai Uba:
Tu betis aki, baka tengis mati nelentang.
Aki Ungkir:
Tu nama uchu?
Indai Uba:
Tu pah aki, burak bebetau baka upa pisang.
Indai Uba nyau ringat digau Aki Ungkir. Iya lalu numpu dada Aki Ungkir. Aki Ungkir telentang lalu labuh ari sadau.
Posted by at
Labels:

No comments:

Post a Comment

Subscribe to: Post Comments (Atom)