Jaku Pemuka

Pemuka Jaku

Jerpan nya jaku pandak dikena madahka reti jerita pandak. Semua jerpan tau digaga kitai ngagai dua bagi. Sebagi nya ensera tuai, lalu dikumbai cherita asal belalauka litericha rayat, lalu sebagi nya ensera kelulu, tang tau pulaika pelajar.

Nyadi jerpan dalam blog tu endang utai kelulu kena niu pendiau enggau ulah orang ke dulu menya enggau kitai kemaya hari tu kelimpah ke mantaika cherita asal. Semua jerpan ditu endang digaga nelusur ulah enggau pendiau kitai mensia tauka jelu nguan dunya. Nya alai juluk ati ke mantaika cherita tu, ukai semina awakka dibacha ngasuh ati geli ngambika ketawa, tang digaga nyadi lalau sereta dikena ngulihka penemu. Laban sekeda kelulu leka ensera enggau sindir leka cherita tau nyadika tenggau kena nyeremin pendiau enggau ulah mensia siku-siku, lalu ari nya kitai tau ngelengkaka ulah ke enda betuku, lalu megai pengawa ke menyana.

Sunday, January 1, 2012

Periuk Pechah

Beberapa ratus taun kelia, ba sebuah menua di Pulau Langkawi bisi nyadi siti laya entara Mat Chinchang enggau Mat Raya. Lebuh nya mega anak indu Mat Chinchang betunang enggau anak Mat Raya.

Laya seduai majak balat maya pengerami melah pinang anak seduai iya.  Seduai iya nyau datai jari, bebukut enggau pangan diri, lalu nendang sereta nampar pangan diri. Seduai iya sama-sama kuat, sama-sama kering dataika periuk, kawah, pinggai mangkuk abis pechah sereta betamarung sebelah tanah.

Empa pemendar seduai ke belaya abis utai dia jamah seduai. Periuk ke labuh nyau tepelanting ngagai endur ke dikumbai  Belanga Pechah; kuah kari nyau tumpah di Kuah (pasar Kuah ke diatu), kuah kari ke anyut lalu nyerap  ke dalam tanah di tempat ti benama Kisap; kawah ai angat lalu labuh ba tempat diatu ti dikumbai Ayer Hangat; kendi ai enggau rambing iya labuh sereta  tepelanting ke Selat Chinchin di antara Pulau Langkawi enggau Pulau Terutau. 
Posted by at
Labels:

No comments:

Post a Comment

Subscribe to: Post Comments (Atom)