Kudi Tatau

Kenu ku jerita  bala orang ke diau ba Lubok Sebubong, tebing sungai Penyarai, ulu Kakus, madahka bisi orang lelaki nurun nyumpit burung. Burung ke deka disumpit iya nya makai buah kayu kasai ba Rantau Kemesu. Datai iya ba pun kayu nya,dia iya tak tekenyit laban tepedaka siku naga ke naka iya pemesai benung deka makai buah.

Meda utai bangat ngemesai nya iya lalu nyumpit naga nya ngena semua laja ke dikemisika iya. Tang naga nya enda ga parai. Iya lalu mulai ke diri. Datai di rumah iya lalu nesau sida dia ngasuh madah ngagai iya enti sema sida bisi tedingaka utai ke nyelai labuh ari endur tinggi. 

Enda mukai-mukai malam nya bisi siku lelaki tedinga bunyi utai meredup labuh ke tanah enggau naka penyarih. Iya lalu begaut madah pekara nya ngagai bala pangan iya. Sida bela beentelah enda nemu munyi utai nya. Siku ari sida nya lalu nampung berita nya ngagai iya ke nyumpit burung nya tadi. 

Ninga utai nya baka nya,iya lalu mai sida sebuat nya tadi ngagai kayu kasai, kayu ke alai iya nyumpit naga. Datai dia, sida tepedaka bangkai jelu nya tadi garing-garing atas tanah. Meda baka nya,iya ke nyumpit naga nya tadi lalu mai sida sebuat bebidangka isi jelu nya lalu mai dagin nya pulai ke lauk sida.   

Nyau jauh malam baru sida datai di rumah. Sida lalu ngerak bala indu ngasuh sida mela dagin naga nya tadi.  Dini hari lebuh bala indu nya benung kiruh mansuh dagin jelu  dia sida tedingaka munyi dagin nya:

Lai prabung dai wo palian! (Awakka perabung enggau tiang nya tunsangtebalit!)

Bala indu nya enda gagau ke munyi dagin jelu ke didinga sida pambus ari buluh ti alai sida mansuh dagin nya. Sida nadai naga nama-nama utai tau nyadi. Udah lauk nya mansau, sida lalu sama-sama makai dagin pagi nya. 

Enda lama udah makai pagi, dia sida bisi tepedaka siku indu datai ngagai sida kia. Datai iya ba rumah nya, iyalalu muka nyawa bala sida dia ngiga laluh enggau tinga dagin naga nya tadi. Ari semua sida ke diperesa iya nyawa semina dua iku anak patu balu aja nadai enggau orang makai dagin naga nya. Shortly after the morning meal was over, there appeared in the village a female stranger.  

Iya lalu beguai nelai sedaui anak patu balu nya ngasuh seduai rari ari rumah nya enggau lengkas labanenti enda seduai deka parai. Seduai pan lalu nitihka jaku indu nya beguai-guai pansut ari rumah nya lalu ngelarika diri ngagai  Bentai Bentayan tauka mega dikumbai sungai  Manang Grai.

Enda lama udah seduai ngejangka rumah sida peda tak bekalih tunsang rumah panjai nya lalu munuh semua sida ke diau dalam nya. Ketegal penusah tu penyampau orangTatau ba sungai Kakus nyau majak kurang. Udah penusah nya nyadi baru indu nya tadi bisi dalam mimpi bala orang bukai madahka diri iya nya bini naga ke dibunuh. 

Enda lama udah nya kira-kira bisi beberapa dia bisi dua iku lelaki enggau menyadi indu seduai benung ngaga ipuh ba tebing sungai Kakus. Benung sida ngeringak diri ngereja pengawa nya dia sida tepedaka gemu utai melepu rarat dibai ai. Meda utai baka nya, dia menyadi tuai sida lalu ngambi gemu nya tadi nyadika lauk.

Tengah hari nya udah ke makai gemu utai nya ti digulai iya enggau tepung mulung dia tubuh iya lalu berengkah gatai. Iya lalu ngaru tubuh iya nya tadi enggau kukut jari iya datai ke telih. Enda mukai-mukai udah nya semua telih nya tadi lalu bebali bekengkang baka tisik naga.   

Meda baka nya, iya pan balat irau bendar ati. Iya nangika diri parai ketegal gatal ba tubuh iya nya. Iya lalu beguai-guai muai lauk gemu utai nya tadi ke sungai ngambika bala menyadi iya enda sempat makai. Udah nya iya pan lalu parai. 

Udah iya parai, seduai lalu ninggalka menua nya mindah ngagai menua bukai. After he had died his brother and sister left that place. Ba rantau jalai, seduai betemu enggau anak patu balu ke rari ari rumah panjai sida di  Lubok Sabubong. Sida lalu diau ba genturung pendiau ke sama. Kepuas ke begulai diau ba endur ke sama sida lalu bisi pengerindu enggau pangan diri. Iya anak lelaki patut balu nya lalu jadi enggau indu nya lalu menyadi iya jadi enggau menyadi indu lelaki nya. Sida lalu beranak betelesak ngujungka peturun sida nya ke dikumbai orang  Tatau ke diau di sungai Kakus enggau sungai Anap ba pelilih menua Bintulu, Sarawak.