Penyayau Enda Besyarat

Cherita tu nyadi ba menua Jipun bekau ke udah kena pangka umbak Tsunami ba taun 2011 tu kemari. Lebuh bala penyelamat datai ba rumah siku indu, dia sida tetemu ke bangkai indu nya ke udah mati, tang mih tubuh iya ke mati nya tadi gali dalam gaya bingkuk. Pala patung iya baka orang ke benung sembiang. Tubuh iya baka ke bungkuk ke mua ketegal ke ditinggang rumah iya ke runtuh. Meda baka nya dia sida ke deka nulung tu tadi lalu ninggalke rumah nya, laban deka ngiga orang ke agi idup. Taja pia, Kepala Penyelamat tu tadi agi mengkang irau ati ingat ke gaya tudah indu tu tadi mati baka nya.

Udah nya tadi Kepala Penyelamat tu lalu nikal baru ngagai rumah indu nya lalu nguji ngabas bangkai indu nya tadi. Udah iya nilik ke baruh bangkai indu nya , dia iya tepedaka bisi kain siti ba baruh indu nya lalu iya nguji narit kain nya tadi.

Enda mukai-mukai dia iya lalu tepedaka anak mit ke berumur 3 bulan ba dalam kain nya tadi. Dia iya lalu ngangau ke bala penyelamat ke bukai madahka iya tetemuka anak mit ke agi idup ba baruh bangkai indai iya. Bala lutur pan lalu beguai meresa anak mit nya tadi. Tang mih anak mit nya mengkang jenak tinduk, baka ke nadai apa nama nyadi sepengudah bekau pangka umbak tsunami ke sebedau nya. 

Lutur ke meresa anak mit nya tadi lalu muka abis kain ke di kena mungkur anak mit nya tadi, dia iya tetemu ke telefon binching siti ba baruh kain di kena mungkur nembiak tu tadi. Lebuh sida meda telefon binching nya tadi, dia sida tebachaka pesan ke di tulis ba telefon binching nya ke nyebut munyi tu, "Enti nyema nuan ulih idup, nuan mesti ingat aku sayau ke nuan."

Semua sida ke macha pesan nya tadi enda ulih ngetatka ati ngenang ke indai iya udah ngidup ke anak iya ngena chara ke pemadu iya merinsa bakanya.Baka nya mih penyayau indai ke kasih ke anak, enda ngira nyawa, enda ngira seput diri nadai, asal mih anak iya ulih idup.